2016春夏男裝騷已經完滿落幕，對於來季男裝潮流興啲咩，大家都係天橋上面領略到一二，但橋下面嘅好風光大家都唔可以忽略。皆因時裝騷雲集咗全世界嘅潮人於一地，全部都對時裝有所領悟，對於現時潮流大勢興緊乜必定一清二楚，換言之，身上所穿嘅都應該係最update嘅潮流襯搭，例如西裝配搭，目前最為流行元素，包括有兩點，第一，愛全身襯同一隻色；第二，捨棄裇衫。

舒適、輕便係現時穿搭西裝嘅最大前題，唔再老正地恤衫襯呔，反而偏向要將西裝著到好似便服咁舒適，dress down咗佢，你見大家都鐘意襯波鞋多過襯皮鞋，除咗係因為波鞋近幾季好hit之外，係大家都傾向衣著方面，唔想再侷促有關，希望呢股襯搭西裝趨勢，會延續上班一族身上，唔駛吓吓要打呔襯皮鞋咁辛苦啦！