要返寫字樓嘅人，相信都好憎夏天，大熱天時著住套厚實實嘅西裝，真係作為路人嘅我見到都覺得熱呀......喺日本，有好多設計師早已經將呢個問題，納入成為自己創作衣服時嘅考慮因素！例如nanamica同The North Face Purple Label等牌子，都因應夏季推出過機能性嘅西裝外套！

近日另一日牌ANREALAGE亦都同asics及keisuke kanda合作，推出咗運動服與西裝結合嘅套裝，究竟西裝結合運動服會係點？一齊睇吓啦～今次品牌就搵咗山田孝之示範。

今次嘅crossover之所以誕生，係為慶祝ANREALAGE南青山新店正式開張，推出開幕限定紀念產品，推出一款以track jacket同運動褲為基礎設計嘅西裝！設計無論於透氣度及舒適度方面，都比傳統西裝好，相信夏天著佢返工，做嘢果陣都會有效率啲啦！

系列仲包括一對以上班族皮鞋外貌為設計概念嘅黑色球鞋，符合整體感覺同運動風格！