係呀！又係講日本雜誌呀！小編之所以咁鍾意睇日本雜誌，因為佢哋會做好多有營養嘅內容，教育大家如何真正成為某個界別嘅「達人」。同時，只要你Keep住買Keep住睇，就會好易睇到o架仔果份堅持，好似1976年創刊嘅《POPEYE》，第一期自創嘅Slogan「Magazine for City Boys」並沿用到今日，雖則咁多年都冇明確講過City Boys嘅定義，但早已潛移默化變成日本一種時裝文化。
今年喺《POPEYE》創刊40週年，同時亦有BEAMS創牌40週年，當然搞返個Crossover最開心啦！助慶嘅單位亦係經常出現喺《POPEYE》，包括日版CHAMPION、Vans、Engineered Garments、orSlow及DESCENDANT。本來呢個系列只係得日本BEAMS限定，但近日竟然有香港小店將整個系列帶到香港，其中印咗「Magazine for City Boys」字嘅tote bag小編勁想要，可惜要連褲一齊買，有冇人可以同小編夾份買呀喂？
