$4,488的剃鬚體驗

文：MenClub Patrick　　圖：MenClub
POSTED ON 10 Dec 2014

筆者係算死草一名（我自稱此為美德之一的慳家），同我講一個電鬚刨賣$4,488，我的回應實只會得一句：「曉飛咩！」我相信屏幕前面不少男士都會有同一諗法，come on，不要口裏說不，人少少認咗佢啦！老老竇竇，其實我真係未用過「咁具身價」的鬚刨，到底有幾巴閉，我都好想知，一於就借這個新出的Philips S9911返來試一試。不過我又冇留鬚，上鏡又會嚇親人，試剃這些機會不是屬我的，都係將它交給鬍鬚夠長又夠濃密的model Adam操刀試啦！
Philips S9911套裝鬍鬚濃密的特約測試員Adam
輕輕力剃就乾淨平日多數用剃鬚刀的Adam，說他經常要留鬚，周不時都係鬍鬚好長才會剃，所以不喜歡用電鬚刨，因為要同一位置剃好多吓先剃得清他濃密的鬍鬚。而且他試過不少普通級數的電鬚刨，都要大大力壓實塊面，好唔鍾意這種感覺，所以寧願麻煩些少，搽足剃鬚膏用剃鬚刀濕剃。不過，今次叫他用S9911乾剃，他就說感覺好好多。事關他輕輕力將刀頭貼近面頜，就成條鬍鬚連鬚根剃得乾淨，刀頭與皮膚的接觸不算多，所以不會有被刀頭刮得又痕又痛的那種不良感覺。
剃鬚前，鬍鬚幾長。剃鬚過程，3分鐘搞掂，幾快！剃鬚後，乾淨晒，目測見唔到有鬚根凸出！
8向感應夠貼面當然，上述優點就是賣$4,488的鬚刨的身價所在。睇番廠方介紹，S9911的3刀頭具備一套叫做「8向輪廓感應」的技術，實在一點講，即係每個刀頭都能夠向8個方向浮動，唔怪得會咁貼面，遇到少少阻力又會彈開，不會有多餘的皮膚接觸。同埋Adam話下爬下方的彎位，或者面頸之間的刁鑽位置，他好輕易就用其中一個刀頭的其中一個弧位剃到，靈活性好高，乾淨程度亦不會比剃鬚刀差。而且3個刀頭入面都內藏雙剃刀，廠方指每吓的剃毛量比其他電鬚刨多20%。數據好空範，但Adam親身證明好多位真係剃一吓就搞掂，不用翻來覆去剃好多吓。
3刀頭入面各內藏雙重刀片。能夠向8個方向浮動的8向輪廓感應技術解構圖。開關掣兩旁的「+/-」掣能調校刀頭旋轉速度；手柄位的顯示屏除會顯示電量外，還設有清潔及更換刀頭提示。
全自動清洗唔使煩賣得$4,488，若然包裝盒內只得個鬚刨，未免有點兒那個，所以S9911便附設一個SmartClean Pro清洗充電座。剃鬚後，只要將S9911放在它上面，㩒個掣，它就會自動用專用清潔劑清洗及潤滑刀頭，然後風乾，全程不用各位男士粗勞，第二朝立即可以拎起再剃。 S9911放在機座上，同時能夠叉電，每叉1個鐘就大約剃到50分鐘，剃乜都夠啦！出埠時應該不會帶充電座在身，萬一真係忘記了叉電，只要直接將電源線接駁S9911，快叉3分鐘就夠剃1次鬚，朝早不會累你遲到，放心！
S9911的電源插頭設於手柄底，裝上清洗充電座後便能充電。專用清潔劑放於清洗充電座底部，一盒約夠用3個月。按動清洗座上的開關掣，它便會吸出清潔劑清洗刀頭。由清洗到風乾到充電，整個過程都有指示燈提示。
易拆易裝配件另一方面，S9911還附送兩件名為Smart Click Pro的配件，而且只要拔走原有刀頭，再啪一聲插下，即能更換，易拆易裝。第一個係用來修髮及修鬚的造型刀頭，無論係二撇雞、下唇鬚、山羊鬚，抑或面頜兩邊的的水，不想全剃的話，就要靠這個刀頭來修剃。講真，留鬚唔修鬚，真係唔留好過，所以這個刀頭好重要。
修髮及修鬚造型刀頭
第二個係控油潔面刷，用它邊按壓邊轉動潔面，總比單靠手指來得仔細及能夠達到深層，尤其係經常被忽略的鼻翼與T字位。唔好話姿整呀，男士靚唔靚仔，好多時就是取決於皮膚乾淨企理與否㗎！
控油潔面刷
捨唔捨得買？試用完，Adam話S9911令他對電鬚刨有些改觀，不排除日後會轉用電鬚刨。但最後當我說出S9911的價錢給他知道時，他跟我及其他男同事的反應一樣，都是O了嘴，然後靜了一陣。的確，願意自己掏荷包買這樣貴鬚刨的男士，真的很少，但收它作為禮物，當然無任歡迎。聖誕就到喇，有重要男士等緊你送禮物的朋友，請諗諗。
附送的鬚刨盒相當普通，總覺得以S9911的身價，鬚刨盒會特別一點。
Philips S9911 售價：$4,488 查詢：Philips　2619 9663

COMMENT

KEYWORD

電鬚刨, Philips S9911

< PREVIOUS

摩天輪上凝望維港流動

2014-12-10

NEXT >

胡椒噴霧噴紙巾火燒後欄好開心

2014-12-11

SOMETHING NEW

自Facebook面世而黎，Zuckerberg就曾經面對過不同嘅指控，而佢亦多次作出道歉。例如今年初美國國會就兒童網上暴力舉行聽證會時，Zuckerberg就公開向觀眾席上嘅受害者父母道歉；而每到美國大選年份，Facebook及Instag ...

tech

【科技】Zuckerberg反省創業20年最大遺憾「負上太多不該負的責任」

19 Sep 2024

【Apple】iPhone 16 Pro系列更換電池費用加價20% 最近外媒《MacRumors》發現，Apple調高了iPhone 16 Pro系列電池更換費用，比目前iPhone 15 Pro系列貴兩成左右。據Apple香港官網最新維修報價顯示，若在保 ...

tech

【Apple】iPhone 16 Pro系列更換電池費用加價20%

17 Sep 2024

SOMETHING YOU LIKE

筆者係算死草一名（我自稱此為美德之一的慳家），同我講一個電鬚刨賣$4,488，我的回應實只會得一句：「曉飛咩！」我相信屏幕前面不少男士都會有同一諗法，come on，不要口裏說不，人少少認咗佢啦！老老竇竇，其實我真係未用過「咁具身價」的鬚刨，到底有幾巴閉，我都好想知，一於就借這個新出的Philips S9911返來試一試。不過我又冇留鬚，上鏡又會嚇親人，試剃這些機會不是屬我的，都係將它交給鬍鬚夠長又夠濃密的model Adam操刀試啦！
Philips S9911套裝鬍鬚濃密的特約測試員Adam
輕輕力剃就乾淨平日多數用剃鬚刀的Adam，說他經常要留鬚，周不時都係鬍鬚好長才會剃，所以不喜歡用電鬚刨，因為要同一位置剃好多吓先剃得清他濃密的鬍鬚。而且他試過不少普通級數的電鬚刨，都要大大力壓實塊面，好唔鍾意這種感覺，所以寧願麻煩些少，搽足剃鬚膏用剃鬚刀濕剃。不過，今次叫他用S9911乾剃，他就說感覺好好多。事關他輕輕力將刀頭貼近面頜，就成條鬍鬚連鬚根剃得乾淨，刀頭與皮膚的接觸不算多，所以不會有被刀頭刮得又痕又痛的那種不良感覺。
剃鬚前，鬍鬚幾長。剃鬚過程，3分鐘搞掂，幾快！剃鬚後，乾淨晒，目測見唔到有鬚根凸出！
8向感應夠貼面當然，上述優點就是賣$4,488的鬚刨的身價所在。睇番廠方介紹，S9911的3刀頭具備一套叫做「8向輪廓感應」的技術，實在一點講，即係每個刀頭都能夠向8個方向浮動，唔怪得會咁貼面，遇到少少阻力又會彈開，不會有多餘的皮膚接觸。同埋Adam話下爬下方的彎位，或者面頸之間的刁鑽位置，他好輕易就用其中一個刀頭的其中一個弧位剃到，靈活性好高，乾淨程度亦不會比剃鬚刀差。而且3個刀頭入面都內藏雙剃刀，廠方指每吓的剃毛量比其他電鬚刨多20%。數據好空範，但Adam親身證明好多位真係剃一吓就搞掂，不用翻來覆去剃好多吓。
3刀頭入面各內藏雙重刀片。能夠向8個方向浮動的8向輪廓感應技術解構圖。開關掣兩旁的「+/-」掣能調校刀頭旋轉速度；手柄位的顯示屏除會顯示電量外，還設有清潔及更換刀頭提示。
全自動清洗唔使煩賣得$4,488，若然包裝盒內只得個鬚刨，未免有點兒那個，所以S9911便附設一個SmartClean Pro清洗充電座。剃鬚後，只要將S9911放在它上面，㩒個掣，它就會自動用專用清潔劑清洗及潤滑刀頭，然後風乾，全程不用各位男士粗勞，第二朝立即可以拎起再剃。 S9911放在機座上，同時能夠叉電，每叉1個鐘就大約剃到50分鐘，剃乜都夠啦！出埠時應該不會帶充電座在身，萬一真係忘記了叉電，只要直接將電源線接駁S9911，快叉3分鐘就夠剃1次鬚，朝早不會累你遲到，放心！
S9911的電源插頭設於手柄底，裝上清洗充電座後便能充電。專用清潔劑放於清洗充電座底部，一盒約夠用3個月。按動清洗座上的開關掣，它便會吸出清潔劑清洗刀頭。由清洗到風乾到充電，整個過程都有指示燈提示。
易拆易裝配件另一方面，S9911還附送兩件名為Smart Click Pro的配件，而且只要拔走原有刀頭，再啪一聲插下，即能更換，易拆易裝。第一個係用來修髮及修鬚的造型刀頭，無論係二撇雞、下唇鬚、山羊鬚，抑或面頜兩邊的的水，不想全剃的話，就要靠這個刀頭來修剃。講真，留鬚唔修鬚，真係唔留好過，所以這個刀頭好重要。
修髮及修鬚造型刀頭
第二個係控油潔面刷，用它邊按壓邊轉動潔面，總比單靠手指來得仔細及能夠達到深層，尤其係經常被忽略的鼻翼與T字位。唔好話姿整呀，男士靚唔靚仔，好多時就是取決於皮膚乾淨企理與否㗎！
控油潔面刷
捨唔捨得買？試用完，Adam話S9911令他對電鬚刨有些改觀，不排除日後會轉用電鬚刨。但最後當我說出S9911的價錢給他知道時，他跟我及其他男同事的反應一樣，都是O了嘴，然後靜了一陣。的確，願意自己掏荷包買這樣貴鬚刨的男士，真的很少，但收它作為禮物，當然無任歡迎。聖誕就到喇，有重要男士等緊你送禮物的朋友，請諗諗。
附送的鬚刨盒相當普通，總覺得以S9911的身價，鬚刨盒會特別一點。
Philips S9911 售價：$4,488 查詢：Philips　2619 9663