最近《Bloomberg》記者Mark Gurman發現，目前iPad mini 6在許多Apple Store都出現存貨不足情況，或者意味住新型號即將推出，近期打算入手mini既朋友不妨再等等！

Mark Gurman日前在X上表示，Apple內部已經將iPad mini 6歸類為「供應受限」產品，認為係新型號即將推出嘅徵兆，而且iPad mini自2021年之後就再冇更新過。

Many Apple stores are low on stock of the iPad mini in several configs, while the device is considered “constrained” internally within Apple, I’m told. That *could* be a sign a new one is coming. It hasn’t been updated since 2021. Wouldn’t be surprised to see it updated for AI.

— Mark Gurman (@markgurman) August 26, 2024

根據目前傳聞，iPad mini 7外觀設計上將維持不變，但會有新配色，並採用全新LCD面板改善螢幕「Jelly Scrolling(果凍抖動)」問題，以及搭載支援Apple Intelligence功能嘅A17 Pro晶片，連線規格亦會升級至Wi-Fi 6E及藍牙5.3。目前未知iPad mini 7會否在9月10日舉行嘅秋季發布會連同iPhone 16一齊推出，另外亦有消息指Apple可能會喺10月舉行另一場秋季發布會，屆時將推出搭載M4晶片嘅新款MAC，或者iPad mini 7到時先會正式登場。