繼Ray-Ban Meta智能眼鏡後，今次Meta宣布聯同著名運動品牌Oakley合作，將於6月20日推出全新智能眼鏡。似乎係專為單車選手及戶外運動玩家度身訂造﹐有望挑戰一眾運動攝影機。

近日Meta開設了一個名為「oakleymeta」嘅Instagram帳號，並發布首條預告片段，宣告將於今個星期五（20日）舉行產品發布會，號稱會為大家帶嚟「下一次進化」。雖然官方尚未公開詳細規畫，但根據先前傳聞，呢款智能眼鏡將以Oakley Sphaera系列運動太陽眼鏡為基礎，配備鏡頭、喇叭及收音咪等，能夠拍照、錄影及支援語音助理服務。佢同Ray-Ban Meta最大差別係，Oakley Meta鏡頭會裝喺鏡框中央位置（即鼻托上面），並非鏡框左側。

Oakley Sphaera

考慮到Oakley係專門設計及生產專業運動用途太陽眼鏡，預計Oakley Meta主要係針對戶外運動玩家，等佢哋能夠邊做運動邊記錄低精彩時刻，更多詳細將於6月20日正式揭曉。