大約六年前，我哋同大家介紹過新進美日混血兒寫真女星「アンジェラ 芽衣」（Angela芽衣），甚至仲親赴日本同佢做過訪問，當時佢被睇好可以成為「Leah Dizon」接班人，於日本重新掀起一股「混血熱」。但幾年過去，大家仲有冇留意佢嘅發展呢？今次就同大家更新一下啦。

「アンジェラ 芽衣」除咗擁有非常明顯嘅西方面孔之外，身高更有172cm，而且身材比例係超誇張嘅10.5頭身，所以其實2018年開始進軍時裝模特兒界，曾經為「GirlsAward」以及「TokyoGirlCollection」走秀，並將事業重心放喺時裝模特兒之上。不過要數到最廣為人知嘅作品，大概就係2020年時於《幪面超人聖刃》中，飾演能夠變身成「幪面超人Sabela」嘅神代玲花，並接連出演同系列嘅網劇、電影版及電視電影版，以及為遊戲版配音。

最近，佢回到當年開始其寫真事業嘅《週刊Playboy》，事隔3年最拍寫真。雖然話6年已經過去，但其實「アンジェラ 芽衣」今年都只係27歲，正值大熟大勇之時，身材樣貌亦冇走樣。希望佢未來嘅發展可以更加順利啦。

IG：ange_la00