新年前洗邋遢是常識吧？但對於冇咩家務常識嘅獨居人士而言，莫講話洗邋遢，就連倒垃圾都係個難題！呢個時候，「鐘點姐姐」絕對幫到你，不過～如果係裸體嘅鐘點姐姐，你又點睇先？

英國就有一間名為Naturist Cleaners嘅清潔公司，專門提供裸體女性打掃屋企嘅服務，唔好以為佢哋都係得個樣，做起家務上嚟仲雞手鴨腳過你～Naturist Cleaners清潔公司聲稱清潔員個個都經過嚴格篩選，要識吸塵、抹窗、洗衫、拖地等等，一定唔會揸流灘！

由於佢哋又要做得（家務）又要睇得，所以佢哋比當地一般清潔員嘅時薪25英鎊貴好多，足足要成45英鎊！不過～就算人哋唔著衫喺你屋企周圍走，公司規定，絕對唔會提供性服務，如果顧客有唔禮貌嘅行為，公司都係會企喺清潔員立場，去提出控訴。