相信每位雪茄愛好者都聽過古巴雪茄品牌COHIBA嘅大名，為慶祝品牌邁進55周年，今年ZENITH聯乘其母公司Habanos推出限量紀念腕錶「Chronomaster Open Cohiba 55th」，以雪茄紙環及包裝為靈感，將橙黃、白、黑配色融入錶盤設計。

「Chronomaster Open Cohiba 55th」以ZENITH Chronomaster Open開芯腕錶為原型，將COHIBA雪茄上黑下橙包裝配色融入錶盤，並巧妙運用雪茄紙環上嘅黑底白格紋加以點綴，而計時秒針就用上鮮艷嘅黃色配上星型針尾，令整體更得更具活力。

為呼應55周年，腕錶透明藍寶石底蓋亦印有「COHIBA 55」標誌，同時為咗令各位貴賓有更完善嘅享樂體驗，每隻腕錶都會隨盒附送一套5支COHIBA雪茄，預計2021年10起於全球ZENITH專門店及指定經銷商發售，建議售價為9,900瑞士法郎（約$84,300港幣），限量55隻。