唔知大家覺唔覺得，自細就喺其他地方長大嘅人，打扮上唔多唔少都會受到當地文化影響，就好似abc普遍都鍾意歐美妝容同穿著風格。雖然今日介紹嘅「Soyon」係韓國人，但因為自細就喺日本長大，所以成個人都非常「日系」，唔講都真係會以為佢係日本女仔。

今年26歲嘅「Soyon」父母都係韓國人，但因為細細個就喺東京生活長大，所以對兩國語言同文化都非常熟悉，大學畢業無耐就用藝名「みちゃん」加入女團「Gochast」以偶像身份出道，可惜星途一見未有起息，並喺2019年4月畢業離隊。之後佢就用返依加個藝名展開Model工作，最終成功喺大型時裝Show《關西Collection2019》引起關注，並於翌年首度為雜誌拍攝性感寫真，人氣蒸蒸日上。

自從「Soyon」開始拍寫真，佢就決定要練出一副好身材，每日都做運動同控制三餐飲食，間唔時仲會喺個人YouTube Channel教吓人做Work Out瘦身。期待佢練好之後再拍寫真畀各位粉絲欣賞！