SWATCH素來都以色彩繽紛、休閒輕鬆而且性價比高嘅腕錶面對大眾市場，與日本動漫嘅聯乘可以話係天作之合。而近日佢哋就同人氣動漫《龍珠Z》合作，推出8隻以《龍珠》人氣角色為主題嘅手錶，明顯就係針對已經長大成人、有經濟能力用幾百蚊氹自己開心嘅人 (即係你同我呀)，唔知大家又有冇興趣呢？

今次嘅聯乘分別以悟空、斯路、菲利、魔人布歐、悟飯、比達、龜仙人以及神龍等8名角色為主題，每款手錶嘅都係參照角色經典造型嘅服裝配色 (唔著衫嘅菲利同神龍就係用膚色) 而設計，錶帶外圈及內圈亦有所不同。而錶殼及錶面設計亦係一脈相承，個人認為最有趣嘅就係悟飯及比達款，前者錶面模仿悟飯大戰斯路時所使出嘅龜波氣功，錶面更印有「KA ME HA ME HA」字樣；而後者整體就用上比達嘅戰鬥服藍、白、金配色，錶面則模仿戰鬥力探測器嘅畫面。

VEGETA (HK$840)

KAMESENNIN (HK$840)

SHENRON (售價未公佈)

除咗神龍款式之外，其餘7款都會於今日喺SWATCH門市及網店有售，而神龍款 (SHENRON) 就會連同限定特別版「SHENRON X SWATCH NUMBERED EDITION」一同於10月1日開售。