Mitico 係一間2006年成立嘅鐘錶品牌，其母公司一開始係做各類原廠手錶OEM (代工) 嘅，累積咗一定嘅技術經驗之後就自立門戶，其實香港陀飛輪 Memorigin 都係類似嘅故事，有機會之後再介紹俾大家。Mitico 今次同Brands Limited合作推出「Batman V Superman」陀飛輪限量聯乘腕錶系列，勢要攻陷 DC Fans 嘅市場。

兩個錶款分別係Matt Black同Shinny Red，前者代表蝙蝠俠，後者自然就代表超人啦。兩隻錶都以黑色為主，將蝙蝠俠、超人以抽象方式雕砌於錶面，鏤空位置隱約透出陀飛輪組件，頗有神秘感架。

代表兩位英雄人物嘅 Logo就置於錶面 12 點方位，Matt Black 以銀色尾翼代表蝙蝠俠，Shinny Red則以具代表性的紅色「S」,突顯超人形象。兩款的錶圈、指針、「12」點刻度，皆分別以銀色及紅色搭配，睇落去更為一致。

錶冠同樣印有甚具代表性的「Batman V Superman」Logo，而底蓋度更加印有每枚手錶的限量序號，增加收藏價值。包裝上面，兩款錶均配以黑色啞面材質木盒，盒上面印有黑色光面的蝙蝠俠和超人 Logo，整個畫面更具質感，作為 die hard fans 嘅你，可以諗諗佢啦。