我地去試酒、品酒嘅時候，葡萄田、出產地區係必需留意嘅資料之一，除咗睇咪傳統特級靚田之外，仲要品鑑酒液係咪充份反映咗當地氣候所帶嚟嘅影響。釀酒師會因應收成狀況，調整陳釀時間，等到枝酒真係Ready，先推出市場 (例如 Krug 嗰枝 2002 年咪到今年先出囉)，天氣冷、暖就係影暖收成嘅關鍵因素。

廣義嚟睇，釀製萄萄酒嘅氣候大約可分為「溫暖」、「冷涼」，兩大類。前者係法國西南部、意大利內陸之類嘅地區，後者則可以睇法國北部、北美、德國等冷涼氣候嘅區域。一般而言，陽光愈多，葡萄果實會愈成熟，呢個時間嘅葡萄將會更甜美，擁有更高嘅酒精度，相反，成熟度較低嘅葡萄會比較輕盈，酸度亦較高。

Giovanni Rosso Vineyard

溫暖產區嘅氣溫當然較高，糖份容易喺漫長而溫暖嘅葡萄生長期積聚，酸度會變得輕柔，口感變得厚重、濃郁、果香豐富。呢度俾啲例子大家，極出名嘅Barolo產區位於意大利北部皮埃蒙特，葡萄園享有漫長而溫暖嘅夏季同秋季，陽光非常充沛，而葡萄園座落於山坡下半部，免受強風吹襲，整體氣候造就出風格優雅嘅葡萄酒。

當地出品嘅2006 Barolo DOCG Cru La Serra, Az. Agr. Giovanni Rosso，HK$560，酒體厚重而清新，帶有紅色漿果、水果味道，具可口嘅細緻差別，過程之中可感受到野生漿果、覆盆子、櫻桃、紫羅蘭、咖啡芳香，餘韻具鮮明張力。

Russian River Valley

冷涼產區一般得夏季嘅高峰期先會比較暖，氣溫將於收成之前瞬速下降，為酒體帶嚟颯爽嘅酸度，不完全成熟嘅葡萄亦能夠營造出較尖銳嘅口感。美國加州有個地區叫Russian River Valley，位處於低窪地帶，時常受到太平洋吹嚟嘅冷卻霧、微風影響，儼如一個天然嘅冷氣調節，出產嘅葡萄酒亦以美妙酸度馳名。

2011 Ramey, Russian River Valley Chardonnay，HK$260，當地出產嘅Chardonnay 作品，酒香清新豐富，帶有少些嘅烘焙堅果氣息，入口能夠感受到平衡而細緻嘅酸度，餘韻帶嚟優美嘅橙花芳香。

當然，除咗氣候之外，陳年時間、陳釀方法都會對葡萄酒風味帶來重大變化，釀酒師厲害之處在於，面對每一年變化多端嘅氣候、泥土因素，仲能夠使出渾身解數，將每年葡萄嘅個性盡顯於酒中，非常強勁。

查詢 : http://www.bbr.com/hk-home