微電影《手》，係一部張震親自敍述自己人生嘅作品，拍過無數電影嘅佢，今次終於唔需要飾演其他人，只需要好好發揮自己已經足夠。人生都係一部紀綠片，只係主角永遠係自己，而且劇情全部由自我意志決定。張震今次憑藉 Cartier 腕錶表現一個從容不迫、堅毅自信、氣定神閑嘅自己，當年嗰個顫顫驚驚嘅張震，已化成記憶中嘅歷史故事。

可能有一日，你都可以好似張震咁，擁有一份純萃而強大嘅魅力，佢教大家嘅秘訣只有一個 : 「推動我向前的，永遠是內心的那個自己。」演員係一份不斷重覆他人人生嘅工作，張震出演過楊德昌鏡頭下嘅牯嶺街少年、《臥虎藏龍》入面癡情嘅羅小虎、《最好的時光》之中三生三世嘅戀人、仲有《一代宗師》拳師一線天同棋聖《吳清源》，但呢部微電影入面，張震終於做返自己，講手、心兩者如何相連。

後生嘅時候，張震以為 : 「一個好演員不是要想怎麼成為自己，而是想如何更好地成為別人 演叛逆青澀的少年，手就要拿過刀，那時候分不清現實還是電影，它們在悲傷和憤怒中發抖；演歷史人物，手就要拿起史書傳記，一頁頁翻起來，讀進去；為了演戲這件事，這雙手學了很多東西，潛水，下圍棋，花了很長時間，它們還學會了拳法和功夫。」

然而隨住歲月磨礪，日漸成熟，張震終於明白，手再用功，原來也不過內心一念，心若定，手亦不致顫抖。「回到內心，比扮演別人更重要」，因為只有回到自己，先知道點樣駕馭方向，雙手嘅力量都變得更加從容不迫。

張震手上嘅錶係Drive de Cartier，講嘅係點樣駕馭自己，主宰人生，可惜現代社會，孩子一出生，就被牢牢套死，過父母想過嘅人生，從小就無機會學識成就自己，長大以後只好努力尋找路標，永遠唔會明白，引領自己前進嘅只有自己。