繼3月嘅首版1st edition之後，NOMOS乘勢推出Neomatik系列10款量產版，並全部使用品牌第10款專利機芯DUW 3001自動機芯。

相比起首版腕錶，今次推出嘅錶款於設計上面做咗啲改動 (有，但係非常小)，例如錶盤上面隻 neomatik字由螢光橙變做金色；Tangente neomatik champagne嘅分鐘時間刻度改用螢光橙色、小秒盤嘅數位變為黑色等等。最令人期待仍然係佢嘅DUW3001機芯。

為咗保持腕錶纖巧而優雅嘅風格，機芯厚度僅為3.2mm，配備咗NOMOS自上研發嘅DUW調控系統，實現更高走時精度，而呢個系統亦都取代咗之前嘅 Triovis System，工程師無需直接觸碰游絲，都可以做到精準嘅調教設定，令腕錶嘅精準度得以提昇。

10 款錶全部都係35、36mm嘅經典size，白色鍍銀錶盤會襯埋黑色霍爾文高級科爾多瓦馬皮錶帶；而香檳金色錶款則會搭返隻杏色牛皮錶帶。

由即日至8月31號，中環皇后大道中 100 號東方錶行會有NOMOS Glashütte 得獎腕錶展覽，如果你喺31號前，於呢間東方錶行買任何一款NOMOS錶，就可以拎埋德國 Schloss Johannisberg 白酒套裝走，玩錶嘆酒兩不誤 !