想當年香港每個男仔都有對Red Wing，貪嘅就係佢夠重，sorry，係夠高先啱。一個厚底加埋，令你原本六尺身高再添幾吋，少女們又如何招架得住呢? 而Timex則為走大眾化路線嘅美國腕錶品牌，價錢甚至比隨街都見到嘅 DW 仲要平，今次兩者Crossover做 Waterbury 限量錶，實在有非一般嘅吸引力。

基底為 Timex Waterbury 腕錶系列，無論係大三針、雙眼配置，都突顯咗Timex過百年歷史嘅經典韻味。而今次 Red Wing 嘅角色必然係優質皮革，3款錶size分別為38mm、40mm、42mm，全部都配搭 Red Wing 啡色經典真皮錶帶同黑色錶面。

錶殼採用灰色不鏽鋼，錶盤12點為三角形時標，而3、6、9 則為橫間，3點位一個清晰嘅日期示窗，而雙眼配置嘅Chronograph款，30分鐘計時盤、1/12秒計時盤則左右並排於錶盤上半部，日期顯示就打斜擺咗響4點鐘位置。

經典設計，襯衫容易，最吸引當然係佢個價錢啦，由幾百至千幾港紙不等，香港唔難搵，但上網訂就可能更平，大家不妨去各大網購平台留意一吓!