全美銷售量最高，無人不識嘅Jack Daniel’s嚟到今年剛好係150周年，1866年嗰陣，年輕企業家Jasper Newton ‘Jack’ Daniel創立品牌，逐步逐步將呢隻Tennessee Whiskey變成美國，呀，應該話係國際酒業巨頭，150周年咁重要嘅Moment，當然要大肆慶祝一番。Jack Daniel’s Fans今次開心啦，1L裝紀念版只係以約100美元嘅價格發售，入多兩枝收藏都仲得。

紀念版使用嘅原料同傳統No.7一樣，80%粟米、12%大麥，同埋8%黑麥，經十尺楓糖木炭醇化，置入精製嘅美國橡木桶。兩者不同之處，在於木桶陳年嘅地方，紀念版嘅木桶係存放於酒廠最高老嘅酒窖 — 「angel’s roost」，入面嘅濕度、溫度、氣候、陽光照射都非常適合威士忌陳年。

以100 proof，即50%酒精度裝瓶，150周年紀念版擁有非常豐盈嘅奶油、拖肥甜美，然後係非常順滑飽滿嘅酒體，最後餘韻化成溫暖嘅烘培橡木桶氣息。紀念版只有1L裝，自9月起以零售價US$99.99開賣！