Horological Machine N°8 (HM8)嘅誕生係向汎美挑戰賽（Canadian-American Challenge Cup），Can-Am版本嘅殿堂級渦輪賽車致敬；號稱「Limitless」嘅Cam-Am賽事雖然已經停辦，但佢嘅煇煌歷史從未被人忘記。從1966年開始至1987年，今年踏入第50個年頭，麥拿倫品牌創辦人Bruce McLaren為Can-Am研發咗佢第一架跑車，並創立McLaren嘅前身Bruce McLaren Motor Racing。

Can-Am對於車種、使用嘅引擎尺寸、類型，等等都無甚限制，講求突破極限速度，開發更多可能性，引領賽車科技嘅創新發展。隻HM8 Can-Am可以話承襲咗呢種創新精神，相當破格嘅腕錶設計，實在份外令人著迷。線條分明嘅圓滑外型，重新演繹當年HM5首度登場嘅嘅光學稜鏡設計，同埋使用HM3核心 — 戰斧。

外觀嚟講，HM8同Can-Am超跑最大關聯嘅，一定要數個拋光雙桿，靈感取自Can-Am賽車嘅「防滾桿」，腕錶雙桿以實心鈦合金Ti-6Al-4V打磨而成，從機身正面，一路伸延到後方，兼具輕盈與堅韌兩種特性，並且擁有非常靚嘅閃耀效果。

49.5X52.3mm錶殼，錶盤有雙向跳時、順轉分鐘顯示，時間顯示玩要水平咁睇，即錶殼前方嗰個「儀錶板」度玩垂直配置。呢個設計係為咗啲賽車手喺駕駛嗰陣，不必放開軚盤、抬起手腕就睇到時間。

為咗唔會令用家睇得咁辛苦，MB&F特登同光學玻璃供應商合作，研發咗呈反光效果嘅藍寶石水晶稜鏡面，首度於HM5登場，今次再配置於HM8，可90度反射反射映照於顯示盤嘅光線，而稜鏡鏡面亦都將時計放大約20%，算係一種補足嘅手段。

腕錶嘅3D立體鐘錶引擎模組係MB&F自家研發，不過基礎則取自22K金Girard-Perregaux戰斧自動機芯，提供到42小時嘅動力儲存。HM8 Can-Am推出咗18K白金配鈦合金，同埋18K Rose Gold配鈦合金兩個款式，至於售價，我地等待下星嘅發佈會，等Max親口話俾大家知！