歌仔都有得你唱︰「若愛戀亦是成人班必修一課 盼望能提前共我探討 坐下來陪我放膽傾訴」

其實講到學習，呢個世界大把嘢可以學，就算係談戀愛，都可以開班授課。不過偏偏呢啲唔係正統學校會教嘅嘢，一般香港嘅大學所開設嘅主修科目，都太學術性，未必適合呢個社會，又或者未必幫到將來工作。好多時讀完幾年大學，出到嚟做嘢，都會覺得，乜過去我學嘅嘢真係有用咩？

又有時候，你覺得時不與我，天生我才必有用，偏偏你精通嘅嘢唔夠學術，所以大學冇開科，你就冇機會從正規途徑得到教育，淪為大家口中嘅廢青，但如果大學有開多啲多元化嘅主修科目，分分鐘，你做咗精英好耐啦！

不如睇吓世界各地嘅大學究竟會開咩特別嘅主修科目，等唔同才能嘅人都可以行行出狀元啦。

加拿大人研究學系
美國杜克 （Duke）同約翰·霍普金斯（Johns Hopkins）大學有呢個學系，不過加拿大嘅大學反而冇人研究返自己人。

包裝學系
專門教你如何設計同埋製作各類包裝，以及學習良好嘅打包技巧

喜劇學系
加拿大漢堡大學（Humber College）提供想當喜劇演員，但係又怕自己唔好笑嘅人一個機會，將你培訓成搞笑能手！

花藝管理學系
美國密西西比大學（Mississippi State University）就有提供呢個學系，每日都可以同花花草草為伍。

披頭四學系
喺披頭四發源地嘅英國利物浦希望大學（Liverpool Hope University），你可以完完全全貼近呢隊傳奇樂團，成為披頭四專家。

其他仲有咩學系呢？

木偶藝術學系

小丑學系

賽車科學與工程學系

超自然現象研究學系

大麻培育學系

專業保母學系

決策學系

謎語學系

遊樂園工程學系

陽具學系

流行文化學系

漫畫藝術學系

烘焙科學系

發酵科學系