「啲奶假架！」無法接受女生身上邊忽假？

文：MenClub Mean娜　　圖：互聯網
POSTED ON 05 Oct 2015

愛美係女人嘅天性，為咗靚，女人可以不惜花盡金錢買化妝品護膚品，早起成2個鐘Set頭化妝，甚至甘願忍受痛楚整形，目的就係要令自己變得更美麗動人。不過，喺男人心目中，係咪靚就大晒呢？憑万刀甲一句︰「啲奶假架！」，就知道其實男人唔係貪圖個靚字咁膚淺，都講求美嘅真實性。一般清淡嘅化妝，男士基本上都接受，但如果再加上其他「假嘢」，男人嘅接受程度又可以去到幾高呢？外國網站Dailymail就請男士票選「無法忍受女生身上出現的假東西 TOP10 排行榜」，邊一樣巴打覺得最有同感呢？ 10. 假紅唇（2%）靠唇膏化出嚟嘅超級大紅唇令男士覺得個嘴唇好假，而且好似血咁，令人唔想錫落去。

9. 紋身（3%）男人覺得女人嘅皮膚好靚，紋身會破壞女人身體嘅美感。

8. 假粗眉（4%）雖然而家韓風流行粗眉，但如果將眉毛畫到太粗嘅話，男人會覺得感覺好突兀。

7. 假奶（5%）男人係好鍾意巨乳，不過都係鍾意天然嘅胸，面對假奶，好多時只會望而唔會想去掂。

6. 駁髮（6%）好多男士都覺得假嘅頭髮感覺好嘔心，令佢哋唔想摸。

5. 假睫毛（8%）雖然假睫毛可以令女生眼睛睇落超大，不過男生就唔太鍾意，覺得睇落有又黑污糟嘅感覺。

4. 豐唇（11%）近年流行打玻尿酸豐，不過好多男生都認為厚厚嘅嘴唇唔一定性感，始終要夾面型，整得唔好，反而覺得比例怪怪地。

3. 假膚色（13%）好多男生都覺得自然嘅膚色最好，好似以前日本109辣妹咁，故意將皮膚整黑，對男生而言並唔討好。

2. 肉毒桿菌（17%）肉毒桿菌可以除皺紋同瘦面，不過打得太多會令臉部表情僵硬，所以睇落膠膠地咁，男人都唔多喜歡。

1. 大濃妝（31%）男人多數都係鍾意自然妝，擔心女仔化大濃妝時，卸妝後會見到可怕嘅真面目。