學巴士阿叔話齋︰「你有壓力！我有壓力！」喺呢個社會，人人都有情緒，有時嬲到頂會出口傷人都在所難免。不過，MenClub教你做Gentlemen，就要有Gentlemen嘅風凡，就算係鬧人，都要不失風度。

男人唔係吓吓鬧人都要加句粗口先夠威，可能作為男人，自身唔多覺，認為有句粗口坐陣先夠勁。不過好多女性都覺得，如果一個男人淨係識用粗言穢語去辱罵人，其實好鬼低B。與其口不擇言咁咒人行路X街或者人哋娘親畀人X，不如試吓用個邪惡又幽默嘅方式去鬧人，女士們反而會覺得你都幾Q。

希望你以後上網Click Window時成日都唔小心Click到廣告

希望你個枕頭兩面都有啲凹凸不平，令你瞓得好唔舒服

（針對朱古力狂熱者）希望你以後食嘅餅乾上嘅「朱古力」其實全部都係藍莓

希望你以後著嘅襪都會移位，唔使好多，只要啱啱好令你著起嚟唔舒服就夠

希望你阿媽以後入完你間房都唔記得要閂門，搞到你次次都要自己起身行去閂門

希望你以後隨時隨地都覺得自己手提好似響緊

希望你以後著新鞋（特別係白色）時都會畀人唔小心係咁踩到

希望你以後沖熱飲都會沖得太熱，冇辦法即刻飲，到你醒起嘅時候佢已經凍咗

希望你以後喺Facebook上收到嘅Notification全部都係遊戲邀請

希望你以後飲湯時都會唔小心將隻羹成隻浸落湯裡面

希望你以後每次離開電腦時都唔記得自己仲戴住耳機

希望你嘅人生同你嘅性格一樣都咁「得人鍾意」

希望你張凳移動時都會發出好似放屁嘅聲音，但是每次只會發出一次聲音，所以你冇辦法證明啲「放屁」聲係來自張凳而唔係你

希望你以後想用呢啲鬧人說話時，一句都諗唔到