有人話男人天生就咸濕，永遠都用下半身思考，所以打飛機is a must，唔打就會谷精上腦。關於男人自瀆這回事，各位MenClub嘅巴打比Mean娜知得更清楚，我就唔需要多講啦。但關於女性嘅自慰小秘密，你哋又知幾多？

可能因為社會喺性方面對男女嘅尺度都唔同，所以我哋好少有機會聽到女性談論性，明白佢哋嘅諗法。但其實女性一樣對性方面有欲望，除咗同愛人啪啪啪，都會同男士一樣，有自慰嘅需要。嗱！男士打飛機就單手打字fapfapfap，咁女士自慰又係點呢？會點自慰呢？係咪好Feel過做愛呢？很想知吧？

英國網站Metro就針對女性自慰呢個問題，請女網友解答男人都想知嘅自慰大小事。

係咪全部女人都會自慰架？
女網友 A：「講真丫，其實我都唔知……不過我識嘅女生都會自慰。」
女網友 B：「應該都會啦，咁舒服！」
女網友 C：「我覺得全部女生都會，唔會嘅話應該要試吓。」

女人通常幾耐會自慰一次？
女網友 A：「我大概一個星期三次。」
女網友 B：「我好似冇固定喎……睇咩時候突然有感覺啦。」
女網友 C：「我有啲女性朋友係每日，有啲係每個星期，有啲就幾個月先會自慰一次。我諗都係因人而異。」

女人會唔會睇住男人重要部位嘅相自慰架？
女網友 A：「無聊嘅話就會。」
女網友 B：「我唔會，我啲女性朋友都唔會，因為感覺好奇怪。」
女網友 C：「先唔會咁做囉。」

點解啲女人要扮自己唔會自慰呀？
女網友 A：「當然係因為太難為情啦！」
女網友 B：「呢個根本就係社會觀念嘅錯！男人自慰講出嚟就冇乜嘢，但係女人自慰講出嚟就好易畀人感覺好隨便！」
女網友 C：「女性就係冇辦法好似男人咁，成日拎性嚟開玩笑。就算係女生之間，都唔太會分享性事。」

長指甲嘅女士要點自慰呀？
女網友 A：「擔心嘅話咪用情趣用品囉……」
女網友 B：「小心啲就OK。而且唔一定放隻手指入去先可以自慰嘅。」
女網友 C：「我鍾意用情趣用品，所以留長指甲都冇問題。」

女人自慰都係為咗紓壓？
女網友 A：「係架，自慰結束後心情都會比較好。」
女網友 B：「的確可以紓壓，不過有時都係因為無聊或者慾求不滿所以自慰。」
女網友 C：「的確係超級紓壓架～」

自慰係唔係舒服過做愛？
女網友 A：「其實感覺唔太一樣……因為做愛係同另一半一齊做，有愛嘅感覺。但自慰就係純粹取悅自己，我覺得兩種都舒服。」
女網友 B：「咁要睇吓對手勁唔勁喇～不過目前我都係覺得做愛 更舒服。」
女網友 C：「我覺得自慰比較舒服，因為自己知道自己要咩嘢。」