男人追求強健體魄就好似女人要減肥咁，係一種終身事業，但當你成身都係肌肉時，會唔會都覺得差咁啲嘢，呢～例如某啲部位軟弱無力，畀女伴嫌佢唔夠勁嗰啲呢～做乜諗嘢啫！我講緊嘅係手指！手指呀！玩樂器彈吉他時唔夠力水，彈到啲音飄飄下，畀女伴嫌你彈得難聽唔夠勁呀XD Any肥～你嘅手指點用都好啦，今次就想介紹一款專For操Fit手指肌肉嘅器材，就係登登登凳～「手指鍛鍊器」喇！

雖然口口聲聲話係鍛鍊器咁勁抽，但其實佢唔係咩Pro嘢，因為佢都不過係個扭蛋玩具嚟啫～但用落係咪堅work我就唔知喇~因為我未見到香港有~未有機會買嚟玩，如果唔係Mean娜自己都要鍛鍊下手指用嚟......玩電話。

講堅架！堅練嚟玩電話架～因為日本TAKARATOMY玩具公司嘅T-ARTS扭蛋品牌見現代人成日玩電話，所以想用一啲小器材去保養大家嘅手指，從而加強手指嘅肌力