懶人晚餐——「整條粟米飯」

文：MenClub Mean娜　　圖：互聯網
POSTED ON 25 Feb 2016

自從Mean娜搬咗出嚟住就深深體會到煮飯嘅麻煩，特別係放工人又攰又懶，唔想煮嘢食，但食外賣又好鬼肥，咁點算好？咪就係搵懶人煮飯教學囉XD仲記唔記得N年前網上好紅嘅「整個蕃茄飯」？因為方便又好味，所以當時好多人都瘋傳究竟點樣煮，如果你以前都試過覺得正，但而家已經食厭咗的話，不如試吓「整條粟米飯」丫。

日本Twitter就有網民開心些牙「整條粟米飯」嘅食譜，先將粟米切開一半，然後打直將粟米粒成行切出嚟，跟住就好似平時煮飯咁，洗米加水，不過要格外加多一茶匙鹽巴放入電飯煲，最後將切好嘅粟米粒平鋪喺米上面，再加入粟米芯，然後直接啪掣煮飯。

煮好飯煮就將粟米芯拎出嚟，用飯勺將飯粒同粟米撈勻再以保溫方式keep5-10分鐘，咁就大功告成！

鍾意嘅話，煮嘅時候仲可以落埋其他配料。

不過聽網民講，食嘅時候撈埋牛油同加少少醬油，最後灑埋黑胡椒就最Perfect池喇！