{ SKIP }
文:MenClub 魏文青  
POSTED ON 23 Jun 2017
如果你係一個高達迷,你一定有聽過「安彥良和」呢個名。安彥良和出道時先加入手塚治虫老師嘅「虫製作公司」,後黎就獨立參與過《宇宙戰艦大和號》、《勇者雷登》等名作,亦有《亞利安》、《Crusher Joe》、《銀河警花》等作品,不過要數最出名嘅就一定係擔任《機動戰士高達》嘅人設同作畫監督,近年亦畫過漫畫《機動戰士高達 THE ORIGIN》。而日本有名嘅蔦屋書店目前就喺銀座店舉行緊安彥良和老師嘅特展,仲有非常珍貴嘅限定複製原畫賣,就連海外買家都一樣可以買到!


特展佔地唔大,但就擺放咗當年連載安彥老師嘅《亞利安》嘅「週刊RYU」,23號(即係今日)亦請到安彥老師黎講下自己嘅創作歷程。不過對於一般人黎講,最有睇頭嘅就係來自老師四部不同作品嘅原畫複製本。作品包括《亞利安》、《Crusher Joe》、《銀河警花》同《機動戰士高達 THE ORIGIN》,限量30張(《機動戰士高達 THE ORIGIN》款只有廿張),有獨立編號、安彥老師簽名同畫框,售價係80000Yen,約5600HKD。


值得一提係呢啲複製原畫唔係Print出黎咁簡單,而係用上特別嘅凸版印刷技術,為求重現安彥老師以水彩繪畫時嘅筆觸細節,理應當成藝術品黎看待!如果你都有興趣買,就可以去蔦屋書店嘅官網睇下啦!




雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025