香港封關已經接近一年有多，大家除咗掛著娘家日本，又有無掛住人傑地靈嘅寶島呢？正所謂台灣最美風景是人，今日就同大家介紹一位寶島美女直播主「李花 FAFA」。

身高173cm嘅FAFA擁有修長美腿以及姣好身材，加上可愛得嚟又帶點天然呆，收獲唔少粉絲芳心，現時Instagram共有38.7萬個Follower。雖然坐擁數十萬粉絲，但佢一啲偶像包袱都無，成日扮鬼臉做「鬥雞眼」影相，十分鬼馬。

FAFA現時就讀正修科技大學外語系三年級，唔知做佢同學日日一齊上堂會係咩感覺呢？除咗返學，佢平時會喺Twitch開台直播，同粉絲們吹水打下機，周不時會做出一啲搞笑舉動為大家帶來歡樂。