日本時裝網購平台ZOZOTOWN創辦人前澤友作，早於2018年就向Elon Musk落訂要做SpaceX首位環月旅遊嘅客人，仲將任務改咗個好浪漫嘅名「dearMoon」。近日佢就宣布已經包咗機，希望搵8位同伴一齊喺2023年展開月球之旅。

據了解，「dearMoon」任務將用上SpaceX正研發緊嘅Starship火箭，從地球發射後會用三日時間飛向月球，喺月球背面環繞半周後再用三日時間返回地球。據Elon Musk所講，呢次任務除咗係人類歷史上首次私人月球飛行任務外，火箭飛行路徑更超越阿波羅任務所飛嘅距離。

「dearMoon」任務飛機路徑圖。（圖片截至：SpaceX）

前澤友作打算邀請6-8位藝術家一齊同行，並表示「如果大家覺得自己係藝術家，你就係藝術家」。第一階段登記將於3月14日截止，預計5月將會舉行體檢及面試。唔使錢可以上太空，有興趣嘅仲等咩？即刻去「dearMoon」官網了解一下。

資料來源：CNBC、dearmoon