每當提到日本偶像女團「SUPER☆GiRLS」，大多數人第一時間會諗起「淺川梨奈」，但其實同樣以二期生身份加入嘅「渡邉幸愛」亦毫不遜色，陽光姐姐氣質令人感覺更加親切。

今年23歲嘅「渡邉幸愛」，2014年以第2期生身份加入「SUPER☆GiRLS」，現時係隊中第五代隊長，同時係資歷最高嘅成員。雖然人氣不如已離隊嘅「淺川梨奈」，但其陽光親切形象亦為佢累積咗唔少人氣，近年出盡心力投入寫真事業，先後為多本雜誌拍寫真集，可水著及內衣造形展示D Cup身材。

「渡邉幸愛」喺上年12月22日所舉行嘅「SUPER☆GiRLS 10週年現場演唱會」宣布，將於今年6年畢業離隊，但就無透露之後去向如何，不過見佢近排密密出寫真，話唔定之後會全力向寫真界發展。

資料來源：instagram@koume_watanabe.official、twitter@SG_KOME_avex