日本人氣女團「乃木坂46」成員眾多，歷年嚟經常有藝人進進出出，今日介紹嘅元老成員「松村沙友理」就喺上個禮拜正式畢業。仲記得佢當年同「白石麻衣」以及「橋本奈奈未」被譽為「乃木坂46御三家」，擁有超高人氣，估唔到轉眼間就畢業。

今年28歲嘅「松村沙友理」，2011年加入乃木坂46成為1期生成員，同期成員就有著名女星「白石麻衣」。歷年嚟跨足多個領袖發展，除咗係時尚雜誌《CanCam》專屬Model，同時又出演過《欺詐偶像》、《狂賭之淵》等著名日劇以及多套綜藝節目。最終喺今年7月13日結束10年偶家生涯，並推出畢業紀念寫真集「次、いつ会える？（下次，何時再見？）」。

雖然「松村沙友理」冇勁爆嘅上圍，但就擁有迷人嘅臉孔，尤其係個對好似識放電嘅大眼晴，一個唔小心就會被佢電親，深得粉絲喜愛。據聞佢畢業之後打算繼續喺演藝圈發展，希望佢日後可以會帶畀大家更多唔同嘅演出。