日本超人氣Coser「伊織萌（伊織もえ）」，日前被著名八卦雜誌《週刊文春》揭發同一位攝影師熱戀及同居，震驚一眾Fans。事情發酵數日後，今日伊織萌就喺Twitter大方承認戀情，表示兩人已拍拖10年，往後會繼續用「伊織萌」呢個名努力工作，希望Fans們能夠繼續支持佢。

【ご報告】
本日報道された通り、10年前からお付き合いさせて頂いている方がいます。

突然の報道で皆様にご心配をおかけしてしまい申し訳ございません。今後も「伊織もえ」としての活動に、真摯に取り組んでいきたいと思っておりますので、暖かく見守って頂けますと幸いです。

— 伊織もえ❤️‍????新刊まもなく通販開始します (@iorimoe_five) March 1, 2022

伊織萌接受《文春》專訪時表示，男友A先生比佢年長10歲，兩人早於10年前相識，當時佢仲未成為Coser而且非常冇自信，係多得A先生鼓勵及支持佢先開始嘗試Cosplay，並大讚對方平時會煮飯畀佢食同幫手做家務，兩人已同居近3年，不過伊織萌就強調自己冇結婚亦冇訂婚，目前會以事業為重，估計等多10年先會考慮結婚嘅事。

雖然唔少Fans知道消息後即時心碎，但都有為數唔少嘅網友留言送上祝福。順帶一提，有Cosplay界「一姐」之稱嘅Enako早前亦被爆出同電競選手男友同居兩年，不過人氣就冇受太大影響，依然密密Job。或者大家都明白藝人都係人，有交往對象都好正常，所以伊織萌應該都可以繼續紅落去嘅！