近日俄羅斯與烏克蘭發生戰爭，相方衝突嚴重，而由於實力相距懸殊，唔少人亦對俄羅斯嘅霸道做法不滿，因此站出來支持烏克蘭。不過，世界上真係咩人都有的，一位球員就並唔願意站出來支持烏克蘭。

土耳其乙組球隊埃爾祖魯姆運動隊嘅隊長Aykut Demir，近日就並唔支持有關反對烏克蘭方面嘅戰爭。

近日於一場比賽中，埃爾祖魯姆運動隊嘅所有球員都因住烏克蘭問題著起一件「No War!」嘅T恤，唯獨Demir並無穿起。對於Demir嘅做法，外界都一致批評，球會因此承受著懲罰佢嘅壓力。不過對於評批，Demir亦給出自己嘅原因，聽完之後你可能都會對佢尊重。

Demir表示，佢並唔係讚成發生喺烏克蘭嘅戰爭，因為事實上唔少地方都發生戰爭衝突，但佢地卻沒有得到一樣嘅支持。好似中東地區基本上每日都有數千人死亡，佢對呢班無辜而死嘅人感到難過，但好多人都無視該處嘅狀況，而歐洲發生同樣嘅事就完全係另一個取態，所以佢唔想著起呢件T恤。

Demir講嘅都不無道理，大家都係人，大家都係經歷戰爭，點解烏克蘭會獲得咁高度嘅關注呢？ 唔知你又點睇呢？