韓國好興稱呼一啲後生又有鄰家女孩Feel嘅女星做「國民妹妹」，例如當年嘅IU、金裕貞等等。今日介紹嘅「森日菜美」就曾經被日媒稱為「令和の國民妹妹」，大家又覺得佢有冇鄰家嘅感覺呢？

今年20歲嘅「森日菜美」目前係一位大三學生，早喺2014年參加著名經紀公司東寶藝能選秀活動入行，成為「長澤正美」、「上白石萌歌」師妹，翌年就初登大銀幕，直至2020年開始拍埋日劇，期間就因為出演特攝作品《機界戰隊全界者》而引起唔少超級戰隊Fans關注，並於同年加入埋寫真界，火速成為雜誌社新寵兒，喺上個月仲推出埋首本個人寫真集添，能夠一邊讀書又一邊從事藝能工作，認真犀利！