較早前《22世紀殺人網絡》相隔多年後再次推出續集，以為可以再次引起話題，但結果卻被評為消費觀眾回憶，完全係失敗之作。而另一經典電影，由Will Smith主演嘅科幻電影《I Am Legend》，宣佈相隔15年之後再推出續集。

於2007年上影嘅《I Am Legend》，當年票房達到6億美元，成績算係非常不錯。而今次續集將續繼由Will Smith主演，並將加入《黑豹》電影男星之一Michael B. Jordan。

在 Instagram 查看這則貼文

Will Smith（@willsmith）分享的貼文

《I Am Legend》故事主要講述，地球因為「病毒」失控，令大部份人類都變成喪屍，而主角Will Smith則係美國陸軍化學部隊嘅科學家，佢因自帶抗體所以則使被喪屍攻擊都唔會變成同佢地一樣。世界上就仿佛得番Will Smith同其愛犬，佢地一直對抗喪屍嘅同時不斷研究解藥，最終成功搵到同樣倖存嘅人類。

而由於電影第1集有兩個結局，分別係主角Will Smith生同死嘅分別，所以今次續集究竟會用邊個版本開始，則需要留待之後更多嘅消息公開先知道了。不過，今次《I Am Legend》續集將由Will Smtih 及 Michael B. Jordan 合力擔任監製，而編劇則由第一集嘅Akiva Goldsman再次出任。究竟呢次續集會成功繼承首集嘅故事，定還是會製作出另一套爛片呢?