減肥係每個女人嘅畢生課題，考慮到減肥從來只能全身減，唔可以淨減手腳加條腰但留返上下圍，所以絕大部男人都唔贊成女仔去減肥。但今日要介紹嘅呢位「辻優衣」，就能夠做到全身減咗10Kg，但上圍一啲都唔受影響！呢種減法我相信每個男人都支持！

辻優衣出身於日本大分縣，係當地地下女子偶像組合「963」嘅成員之一。卻說2019年時，佢同另一名組員曾經一齊為《週刊Playboy》拍攝冰裝寫真。後來佢自己去參加由《月刊 Young Magazine》舉行嘅「Miss Magazine」選美活動，拎到讀者特別賞，於是《週刊Playboy》再次邀請佢拍攝個人水著寫真，結果就連編輯都發現佢比2019年時瘦咗好多。佢喺接受訪問時透露，係本來公司叫佢減肥佢都唔理，但見到妹妹減咗後變得非常可愛，加上媽媽一句「你唔減真係唔掂喎」，所以決心減肥。

2019年拍攝嘅水著寫真。右邊為辻優衣

而佢就亦透露減肥方法，就係唔食自己最鍾意嘅麵包同雪糕，整體食量都比起以前少咗三份二，結果就減咗10Kg。話雖如此，但對比起兩輯寫真，辻優衣睇落只係塊面尖咗、條腰幼咗，上圍反而不受影響，更因為比例改善而睇落更吸引！係囉！咁樣先係正確嘅減肥果嘛！成身都冇肉嗰啲唔叫減肥，係減低大家對你嘅興趣！

圖片：yui___2g on IG