大家仲記唔記得上個月，台灣有個「八萬奶頭妹」于熙，因為喺facebook承諾粉絲過八萬就「露兩點」但最後走數，結果畀人瘋狂檢舉到個專頁收咗皮呢？所謂遲到好過冇到，原來于熙喺4月3日就已經找咗數，Post出「露兩點」照！

嗱講定先，呢兩張相我係冇打格嘅－－事實上亦冇呢個需要呀？你見到有點咩？我就以為係個MON啲色有問題啦……

咁好地地，文青又做咩拎返呢單嘢出黎講呢？原來在「露兩點」事件後，就已經有人搵出原來當時于熙啱啱參加咗電影《宅男女神殺人狂》的演員選舉，所以立時將兩件事拉埋黎講，認為一切都係炒作宣傳。到近日電影正式發佈「台灣區宅男女神」選舉，而于熙並冇出現在名單上，就令人產生疑問。

電影導演金沛晟表示是于熙受不了輿論壓力主動退出，而于熙的經理人公司指佢因為「心灰意冷，已經不想再走演藝圈。」目前正在家休養。