記得曾經聽過人講，亞洲男人會鍾意女仔皮膚白，係因為西方人皮膚白，「西方人=好嘢」，所以「皮膚白嘅女仔=靚」。我唔知呢句嘢背後有冇咩科學根據，但憑個人經驗而言，我就認為大家鍾意皮膚白，係唔關個女仔「西唔西 (方人)」事，你睇呢位「紫月なな」就會明啦。(頭盔：我冇話皮膚黑就唔靚呀下) 

紫月なな嘅Twitter目前唔夠2萬人Follow、IG更只得二千幾，話佢係名不經傳都絕不為過。但冇咩人識，唔代表佢冇嘢值得大家欣賞，而要數紫月なな嘅最大賣點，大概就係佢白到反哂光而且非常薄嘅皮膚，無論大脾定心口嘅青筋都清晰可見，堪稱「皮薄餡靚」。本來一頭長髮嘅佢，近來就剪咗個青爽短髮，可愛度亦有所提升，某啲角度仲有些少似「椎名そら」——你唔知邊個黎？咁你一陣就要好好Search下啦。

圖片：shizuki_7chan on IG