講起「網紅」，依家大多數人都會諗起「靠IG而紅起來嘅女仔」，當中有非常多網紅更係挾網上名條進軍主流媒體。不過隨住時代變化，依家嘅網紅雖然都係網絡起家，但就已經唔再限於IG，特別喺日本，越黎越多網紅係來自TikTok，好似以下要介紹嘅呢位「大熊杏優」就係其中之一啦。

現年20歲嘅大熊杏優，於TikTok上有超過46萬Followers，當初亦係因為TikTok上嘅人氣而被《週刊Playboy》邀請拍攝寫真，而且唔係一次、兩次，單單係2022年就已經搵佢拍咗3次寫真，最新嘅一輯更加去到北海道拍攝，而且附送寫真DVD，可見雜誌方面有幾咁睇好佢，亦側面印證佢嘅人氣。

要數大熊杏優嘅賣點，首先當然就係同佢嘅可愛樣貌，而且Babyfat未除嘅佢，的確係有幾分「熊仔」嘅感覺。佢嘅另外一個賣點，據講就係佢於TikTok影片中講嘢非常溫柔，溫柔到令人想瞓著乜滯。不過大熊杏優接受訪問時話自己中學時其實係舞蹈社，所以經常大叫，只係人越大，不論聲線定身體都越柔弱。唔知大家睇完佢啲相，又會唔會想聽住佢把聲黎瞓呢？

IG：ayuokuma