{ SKIP }
文:MenClub 魏文青  
POSTED ON 24 Oct 2022

橋本環奈自13歲參加偶像活動時被拍到「奇蹟的一張」後,就以「千年一遇美少女」之名爆紅,隨後展開演藝之路。10年後嘅今日,23歲嘅「環奈BB」唔單止係一線女星,亦大個到會開始拍拖。近日日本傳媒就拍到環奈BB抱狗進出24歲男星中川大志屋企,二人嘅緋聞亦瞬間成為日本熱話。

橋本環奈被拍到抱狗出入中川大志屋企
日本傳媒亦拍到中川大志與環奈BB前後腳離家

據《女性自身》報導,佢哋於10月中旬某日嘅晚上7點左右,拍到橋本環奈戴住帽同口罩,再抱住隻狗出現於「東京黃金地段的一棟低層豪華公寓」門前,隨後登上的士離去。據報橋本環奈於大約6點半左右到達該處,而當時係冇抱住隻狗,換言之佢係去嗰到接返隻狗,而現年24歲嘅男演員中川大志就住喺嗰棟「戶數非常少」嘅公寓之中。

幾日後嘅早上10點,《女性自身》又發現橋本環奈從同一棟公寓中步出,並乘咗公司車離開;大約一個鐘之後,中川大志亦出現於公寓門前,並乘坐的士離去。

《黑夜遊行》宣傳照。中川大志 (左一) 與 橋本環奈 (右二)

據報環奈BB與中川大志可能早於2014年就認識。當時中川大志出演《水球不良少年》,而環奈BB就在劇集客串飾演自己。而近日二人就一同主演漫改電影《黑夜遊行》而相熟,加上二人都非常鍾意狗同非常鍾意飲酒,所以發展成親密關係。不過值得一提嘅係,《女性自身》曾經分別向二人嘅經理人公司求證,不過雙方公司都冇回應。所以暫時一切都只係「傳聞」啫。

資料來源:女性自身

由金像導演James Cameron執導嘅科幻鉅作《阿凡達:火與燼(Avatar: Fire and Ash)》終於公開首部預告!今集將會帶領觀眾探索潘多拉星球更多奇幻秘景及全新種族﹐預計今年12月18日正式上映。 iframe width="560" ...
hobby
【影視】《阿凡達3:火與燼》公開首部預告!全新種族「灰燼族」正式登場
29 Jul 2025
為防止未成年用戶接觸「不當內容」,近期英國正式實施網絡安全法(Online Safety Act),要求境內所有提供成人內容嘅網站及應用程式,必需加入強而有效嘅年齡驗證機制,唔再好似以往咁撳一下「我已滿18歲」就得。現 ...
hobby
【電玩】英國新法防未成年接觸不當內容 玩家用《死亡擱淺》角色破解驗證系統
28 Jul 2025