{ SKIP }
文:MenClub 魏文青  
POSTED ON 06 Oct 2023

曾幾何時,有位女性前輩指住某個女性,然後問我:「你估下佢幾多歲?」我望咗嗰位女性一眼,隨口就答:「廿中?」然後個前輩就擺出一副「少年你真係太年輕了」嘅表情,語重深長咁同我講:「嗱,女人個樣就可以靠化妝呃,但膚況就點都呃唔到,所以你要估個女人幾多歲,第一眼就應該要睇佢條頸!仲係皮光肉滑嘅就仲後生,開始出紋就應該大過你架啦!」呢番說話我唔單止記到依家,仲久唔久都會拎出黎用。咁唔知大家聽完,又能唔能夠用呢個方法,推測出呢位「塩地美澄」今年幾多歲?

「塩地美澄」係北海道出身及長大,少年時曾經當選北海道札幌北高等学校 (北高) 嘅校內選美比賽「Miss 北高」,後來成為JR北海道嘅宣傳女郎而出道,再加入秋田朝日放送電視台做主播,並輾轉進入日本全國電視一直活動至今。2015年時,佢先後獲得《FLASH》、《週刊Playboy》及《週刊Post》等多本雜誌嘅邀請而寫真出道,再於2016年推出首本個人寫真集及水著寫真DVD,直到今時今日都仲維持一年一本寫真集,一年三隻寫真DVD嘅高產量,可見佢一直都有班忠實Fans支持。

回到文首嘅問題,其實「塩地美澄」係1982年6月出世,換言之佢依家已經係41歲!雖然雜誌寫真通常都會有後期修圖,所以係人都可以白白滑滑,但即便如此,佢睇黎都絕對唔似係一個四字頭嘅熟女,甚至你話佢「廿尾、三頭」都一定有唔少人信!可以話係「美魔女」嘅定義!唔知大家又估唔估得中佢嘅真實年齡?睇完佢啲相又會唔會有:「呀!原來四字頭我都OK架喎?」嘅感覺?

IG:misumi.shiochi.official

喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025