隨住YouTube、IG乃至TikTok等社交平台興起，市面上出現越黎越多所謂嘅「自媒體」，同時亦催生一班來自自媒體、你要話佢係藝人又唔算、素人又唔係、網紅又唔夠準確嘅「網絡明星」。而喺東亞眾多地區之中，台灣早已將YouTuber八卦當係娛樂新聞咁報，日本雜誌近年亦不停搵「網絡明星」拍攝寫真，好似呢位「りりか」就係最新嘅一位啦。

「りりか」成名於2022年成立、目前「只有」不足9萬訂閱嘅YouTube短劇頻道「バイトな日常」，頻道內容主要講述主角們於居酒屋打工嘅日常，而「りりか」就飾演店內唯一嘅女服務生。雖然頻道訂閱以至觀看人數都唔算非常驚人，「りりか」於當中亦冇性感裝扮，但就只憑其可愛演出而人氣急升，目前淨係佢個個人IG都已經有15萬人Follow，幾乎係頻道嘅兩倍。

人氣急升嘅佢，近來亦獲得《週刊Playboy》邀請進行拍攝及訪問，獻出人生首次水著寫真。據佢於訪問中表示，小時候佢因為好鍾意某個男偶像，於是走去問阿媽「我點先可以同佢結婚？」結果佢阿媽答：「你都去做演員咪得囉！」，於是佢就真係加入學校劇團、學舞，再經舞蹈老師推薦加入關西地區嘅偶像團體，大學時再勝出「Miss CAMPUS COLLECTION OSAKA」，繼而成為模特兒，再到近來加入「バイトな日常」而廣為人識。而佢未來嘅目標就係成為第二個綾瀨遙——至少身材方面係有幾分相似嘅。

IG：ririka_0225_