有留意開日本偶像界新聞嘅你，或者早就注意到AKB48嘅人氣大不如前，早前我亦同大家報導過有日本文化分析師指出AKB成員不停出走，頗有末落之勢。不過AKB成團唔紅，就唔代表所有AKB成員都唔紅。好似3月時正式卒業嘅「岡部麟」咁，其卒業紀念兼人生首本寫真集，銷量就非常好，甚至未正式發售已經要預售！

現年27歲嘅「岡部麟」，早於2014年以茨城縣代表身份，參加AKB Team 8選秀而入團。隨後幾年佢嘅人氣都穩步上升，到2018年最後一屆AKB總選時，已經排到58名。但當時AKB人氣已有下滑跡像，而「岡部麟」經歷轉隊、轉經理人公司後，亦於去年11月宣佈退團，並於今年3月17日完成退團典禮、4月4日完成退團公演。

而為咗紀念退團，佢早就宣佈會於3月底推出首本個人寫真集，但由於「岡部麟」素來都唔係走性感路線，所以Fans一度以為本寫真集只係收錄咗佢可可愛愛嘅日常照。點知當先行照公開時，用佢自己嘅說話就係「大大個Pat Pat打出黎」，殺咗Fans們一個措手不及，引起話題之餘亦令寫真集於預售階段就被搶購一空，結果未正式發售就已經要再版。

IG：beristagram_1107