日本東京電視台有個節目叫《家、ついて行ってイイですか?》」（跟拍到你家），顧名思義，節目就係於街頭尋找錯過尾班車嘅人，並用幫手畀的士錢作為交換條件，去到對方家中拍攝嘅並訪問嘅節目。由於節目偶爾能夠訪問到充滿故事嘅人，所以相當受歡迎，甚至有人係因為上咗呢個節目而出道。好似今晚要大家介紹呢位「真田まこと」就係啦！

今年12月將迎來30歲嘅「真田まこと」，本來係一名護理師，2019年因為登上《跟拍到你家》，憑住遮都遮唔住嘅好身材，以及令人印象深刻嘅故事而爆紅，後來更出道成為寫真女星。身材嘅部份大家睇相都略知一二，所以接下來我就同大家講下「真田まこと」嘅悲慘童年。

卻說「真田まこと」中學時父母離異，媽媽去咗讀職業學校，後來成為護理師。而佢本人亦因為見到水樹奈奈嘅廣告，所以立志成為歌手，更曾經努力學唱歌、參加各種選拔。但到高中二年級時，爸爸因為被指挪用公款而被公司解雇，隨後就陷入酗酒、服藥以及抑鬱症之中，最終自殺；而佢自己經過多次選拔失敗，加上想好好照顧媽媽，所以就放棄出道夢想，跟隨媽媽步伐去做護理師。

後來因為登上《跟拍到你家》，所以有星探邀請佢寫真出道。而今次佢就把握機會，於2022年2月推出首隻寫真DVD，同年11月被《週刊Playboy》選為「新世代寫真女星．胸番付2022年秋場所」嘅東大關，即係編輯部最睇好嘅豐富上圍新人寫真女星，同時亦得到推出電子寫真集、登上電視節目嘅機會，於演藝界站穩陣腳。

由於佢嘅I Cup上圍豐滿而且柔軟，所以「真田まこと」出道時有「國王史萊姆」嘅稱號，而呢個稱號其實都同佢爸爸有關。原來佢爸爸生前係遊戲《勇者鬥惡龍》嘅忠實Fans，所以「真田まこと」屋企有好多史萊姆公仔，國王史萊姆嘅稱號除咗形容佢嘅身材，亦係佢同爸爸嘅連結。相信佢爸爸在天之靈，見到個女闖出成績，都會感到好安慰啦。

IG：sanada_mkt