{ SKIP }
文:MenClub 魏文青  
POSTED ON 13 Sep 2024

日本有唔少所謂嘅「地下偶像」,即係通常由小型經理人經營,名氣唔大、搵錢唔多,入唔到主流演藝界嘅偶像團體。但有時呢啲地下偶像只需要一個契機就可以爆紅。好似今晚要介紹嘅呢位「榎原依那」咁,2月轉戰寫真界後就「一脫驚人」,短短半年就已經成為寫真界最炙手可熱嘅新星,黎緊仲會推出個人寫真集添!

同一般寫真新人相比,「榎原依那」公開嘅個人資料並唔多,例如歲數或者生日日期就冇公開。背後嘅原因,好可能係佢曾經以「稲田ひより」之名,於日本地下偶像團體「on and Go!」出道有關。不過由於「榎原依那」對於進入寫真界前嘅演藝經歷三緘其口,所以目前唔知點解佢要轉戰寫真界。但顯然易見嘅係,今年2月以寫真新人身份於《FRIDAY》出道嘅佢,短短半年間就於業界站穩陣腳。除咗接連登上《週刊Playboy》、《週刊Young Magazine》等青少年雜誌,於X(Twitter)及IG更分別吸到11萬及17萬Fans,10月時更會推出首本個人寫真集添!

另一樣顯然易見嘅,當然就係佢嘅好身材。報稱164cm高嘅「榎原依那」,上圍係達到「豪乳」級數嘅I Cup,再加上清爽短髮及燦爛笑容,被日本媒體稱為「見過就難以忘記」嘅好身材美女。另一樣「豪」嘅就係佢嘅性格。據佢接受訪問時提到,自己其實非常鍾意飲紅酒,不過為咗拍寫真保持身材有時就要節制下;另外佢仲鍾意賭馬同賭賽艇,或者同大家都有共同話題?

IG:ina_enohara

睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025
如果你見到「櫻井」呢個姓,再望多兩眼相中人而覺得有啲熟口面的話,唔需要太過懷疑㗎,因為我哋早年的確介紹過呢位「櫻井おとの」,不過當時嘅佢仲係用緊漢字名字「櫻井音乃」,係今年先改用片假名寫法。而改咗名之 ...
girls
【深夜】很想戀愛的戀愛笨蛋 「櫻井おとの」出演戀綜人氣再升
28 Jul 2025