由越南遊戲開發者Dong Nguyen創作嘅《Flappy Bird》，主打以點擊螢幕嘅方式，控制小鳥不斷向前飛避開高低不一嘅水管，每穿越一條水管就獲得一分，其高難度成功激起玩家們好勝心，紛紛在網上晒出分數隔空挑機，2013年5月24日上架後迅速爆紅，錄得超過5000萬次下載，並每日為作者帶嚟高達50,000美元廣告收入。然而，《Flappy Bird》嘅成功令作者倍感壓力，最終決定在2024年2月8日將遊戲下架。

事隔近10年後，最近一個名為「The Flappy Bird Foundation Group」嘅組織表示已取得遊戲版權，將於明年在iOS、Android及網頁版多個平台重新推出《Flappy Bird》，並加入全新遊戲模式及角色。據官網顯示，其中包括一個名為「rivals」模式，讓用戶能夠在線挑戰其他99名玩家，另外仲有一個將小鳥投進籃球框嘅新模式，唔知今次會否再度爆紅呢？