日本《週刊Young Jump》舉行嘅「制コレ」（全名：全国女子高生制服Collection）歷年黎都吸引到唔少仲做緊學生嘅少女參加，而當中非常多人都借呢個比賽作為踏板，躍進寫真界或其他演藝界別。而今晚要介紹嘅呢位「蓼沼優衣」亦同樣係「制コレ」出身，但近年就慢慢擺脫「學生妹」嘅形象，散發出大人嘅魅力。

現年22歲嘅「蓼沼優衣」，係參加2020年舉行嘅「制コレ 20」並獲得亞軍而出道，同年9月與另外兩名得獎者一同為《Young Jump》拍攝寫真，獻出佢嘅處女作，之後就作為寫真女星兼通告藝人活躍於日本演藝界之中，初出道嘅佢更因為清純可愛而被封為「国民的幼馴染」（國民的青梅竹馬）。

但數數手指，2020年已經係4年前嘅事，當年嘅18歲嘅小妹妹今年都已經係22歲嘅成年人。而佢嘅寫真亦從當年賣青春、笑容燦爛嘅形象，蛻變成近年嘅誘人女人味。而且唔知係咪因為有參與電視劇、網絡電影等演出，令佢更識得利用表情去勾引鏡頭後嘅各位。唔知各位鍾意當年青春可愛嘅佢，定係依家呢個成熟誘人嘅佢呢？

IG：tadeyui