隨住大家年紀漸長，生活慢慢穩定下來，甚至已經能夠預計到往後幾十年嘅人生會點樣過，有時真係不禁懷緬十八廿二嘅時光，嗰時嘅未知及希望的確係會令人精神一振。而今晚要介紹嘅呢位「ちばひなの」，佢嘅未來亦好可能會令大家精神一振，事關年紀紀輕輕嘅佢，已經展現出非同凡享嘅「天賦」！

「ちばひなの」本名「千葉ひなの」，出生於2006年嘅佢，早於2019年就以13歲之齡加入由吉本興業創辦嘅輕鬆表演劇（revue）劇團「少女歌劇団ミモザーヌ」。睇個團名你就知道呢個團體嘅成員都係「少女」，事實上團體亦規定成員必須年屆14至19歲之間，年滿20歲就一定要退團。換言之現年18歲，已經係團內年紀第二大兼副團長嘅「ちばひなの」只能再於團體留多一年就要另覓出路。

你問人哋就黎「被逼離職」點解我話係充滿希望？個希望其實係畀你同我嘅。事關雖然「ちばひなの」年紀輕輕，但早於十七歲時就已經踏足寫真界，展現出青春洋溢又頗有睇頭嘅162cm高挑身材。咁你話假如佢來年放低團體包袱後，全面進軍寫真界，大家咪有更多靚相可以欣賞囉？係咪諗起都開心呢？嗱呢啲就叫做「希望」啦！

IG：chibahinano_mg