{ SKIP }
文:MenClub 魏文青  
POSTED ON 24 Mar 2025

Disney最新真人版電影《Snow White》(白雪公主)於上週正式上映。縱然電影不論拍攝、宣傳、戲裏、戲外都充滿爭議性,但外媒仍然估計會成為近來票房最亮眼嘅電影。甚至有人估計《Snow White》嘅全球開畫票房可以到達一億美金。不過從目前公佈嘅優先場票房黎睇,想衝擊一億票房大關似乎仲有啲距離。

上週於電影上映之前,有外媒推測《Snow White》嘅首週(上星期五到星期日)美國本土票房可望達到4,500至5,500萬美金。若果與過去其他Diseny真人版電影相比,則大約坐落於2019年嘅《Dumbo》(小飛象,北美開畫票房約4,600萬)以及由Lily James主演嘅2015年《Cinderella》(仙履奇緣,北美開畫票房約6,800萬)之間。

甚至有人樂觀地認為,《Snow White》嘅全球開畫票房有可能衝破一億。事關有票房消息人士指出,留意到各個年齡層、家庭狀況嘅女性都對《Snow White》有「堅定到強」嘅注意及興趣,加上同期並冇其他同規模嘅大作上映,換言之絕大部份場次都係播緊《Snow White》。兩者均對電影票房有正面影響。

但「全球開畫一億」呢個估計似乎真係太過樂觀。到撰文之時,唯一能夠掌握到嘅票房數字就係上週四一日嘅「優先場票房」。據《The Hollywood Reporter》報導,《Snow White》嘅優先場票房為350萬美金,比起上面提過嘅《Dumbo》(280萬美金)及《Cinderella》(230萬美金)仲要多。而近來優先場票房差唔多嘅同類電影,就有去年上映嘅《Kung Fu Panda 4》,優先場票房為380萬美金,最終北美開畫票房為5,800萬、全球開畫票房為8,100萬。換言之如無意外,《Snow White》嘅票房應該都係咁上下。

問題係《Snow White》呢部電影就係「充滿意外」。所以Rachel Zegler嘅發言、小矮人嘅設計等爭議點究竟係會拖累票房、定係「炎上行銷」成功,就要到下個星期票房數字出爐先知道啦。

資料來源:The Hollywood Reporter 12

好可能係拎住部電話睇緊呢篇嘢嘅你,仲記唔記得自己第一部手提電話係咩型號?鍾意打機嘅你,又記唔記得當年第一次玩嘅係邊部主機?如果你都己經有返咁上下年紀,又開始懷念過去嘅美好日子,咁以下日本漫畫家「矢野ト ...
hobby
【科技】曾一起走過的日子 日漫畫家繪出40年電子產品發展史
19 Jun 2025
由James Gunn執導嘅全新《超人》電影將於下月正式上映,飾演Lois Lane嘅Rachel Brosnahan日前接受訪問時就表明,無論電影成唔成功,佢都唔會事後投訴。並直言演員唔應該拍完超級英雄片後,見到部戲唔掂就回頭抱怨。 ...
hobby
【影視】《超人》Rachel Brosnahan直言演員不應事後投訴超英電影:一係唔好接,接咗就力撐到底
19 Jun 2025