{ SKIP }
文:MenClub 魏文青  
POSTED ON 03 Jul 2015
有睇過《螢之光》,你應該知道咩係「乾物女」。而根據維基百科,就即係啲鍾意過「隨意懶散單身生活」嘅年輕女子,而特徵之一,就係平時打扮光鮮亮麗,但間房就超亂超污糟,而且通常都會沉迷於某種事物之上(動漫、偶像、電玩等等)。有冇實際例子?有!目前喺日本Working Holiday緊嘅台灣美女「Hinata.日向」就係!


如果你淨係睇佢過fb專頁,你大概會以為佢只係塵世間「又一個」眼大大、咀細細、腰幼幼、腿長長嘅o靚模。不過去咗日本又多咗陣「架妹味」咁解。

但佢個fb專頁嘅自我介紹係咁寫嘅:「日本Working Holiday中。超級懶惰邋遢人‧混合肌‧角度人‧左臉人‧鋼牙人(過去式)‧妖怪凹臉骷髏 火星人‧一號表情人‧除了眼睛大以外什麼都小‧VISEE眼影控‧小鳥胃‧睡飽需要12HR↑‧富奸‧出門艷光四射回家亂槍掃射‧假面騎士x超級戰隊特攝 小粉絲‧小徑單車亂亂蛇‧被害妄想症」係咪睇字都Feel到「中二」同「宅」呢?



打扮光鮮亮麗,中!沉迷某樣事情,中!即係只要日向間房夠亂,佢就係一個定義上嘅「乾物女」!而呢塊最後嘅拼圖,就由台灣攝影師大吉(Gilber Lai)為大家送上。話說佢去咗日向喺日本嘅屋企,用佢平時喺房嘅單身生活做背景,拍咗一輯名為「三宅一生-日向」嘅寫真,你睇佢間房亂到呢!


但我好清楚,你哋嘅注意力根本唔喺間房到!因為一見到人哋淨係著住條小褲褲你哋就諗衰嘢啦嘛!真係太唔要得啦你哋!應該係諗起「執返劑」架嘛!!

「執房」呀我話!唉又諗衰嘢。


Hinata.日向 on fb

Gilber Lai(大吉) on fb

早前有韓國女團成員於節目上坦承因為細個時要做練習生,所以連小學都無畢業,最高學歷僅為幼稚園。事實上,唔少偶像都為咗演藝事業放棄學業,但其實亦有人為咗學業而願意放低工作。好似今晚要介紹嘅呢位「麻倉瑞季」 ...
girls
【深夜】為學業停工一年順手減12Kg 「麻倉瑞季」絕好調回歸!
04 Aug 2025
喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025