光年美少女手塚星明

文：MenClub 魏文青　　
POSTED ON 30 Nov 2015

早排我咪介紹過個「三百萬光年美少女」呀百川晴香嘅？嗰時你哋咪好快手咁跳出黎話「光年」係距離，唔係時間，結果人哋之所以有個咁嘅朵，係因為人哋出演「咸蛋超人」，而咸蛋超人嘅故鄉M78星雲喺三百萬光年以外嘛。記唔記得？點解文青要拎返呢樣出黎講？絕對唔係因為我小器(咁簡單)，而係日本近期又出咗個「光年美少女」，而今次佢唔關咸蛋超人事啦！換言之，你哋可以搬返上次啲對白出黎用啦！

話說日本有個網民將北海道偶像團體「フルーティー(Fruity)」嘅其中一位成員「せいあ(本名:手塚星明)嘅相貼咗上日本各大揭示版，將佢命名為「光年美少女」(呢鋪真係唔知點解)，仲話佢係日本最可愛的偶像(沒有之一)喎！咁究竟佢係咪真係有咁可愛呢？

睇返資料，手塚星明大環奈BB3歲，今年19歲，身高152cm。不過身材方面都係冇咩好睇。至於個樣啦喎，驟眼睇其實同環奈BB有幾分相似，不過啲牙再亂啲咁囉！

好，結論。呢個手塚星明唔係話唔可愛，不過要距離環奈BB又有啲距離咁囉。至於個「光年」朵…我都睇唔透。