因為疫情關係，唔單止大家嘅日常生活都受到影響，香港經濟亦大受衝擊，甚至影響部份人生計。Eaton HK就推出「 Pay It Forward 美味共享」行動，鼓勵尚有餘力嘅大家協助社區內需要幫手嘅弱勢社群。

「Pay It Forward」簡單啲黎講就係派飯，Eaton HK有見近日有報導指有需要市民於慈善機構辦公室外領取食物，旗下Eaton Food Hall中嘅西餐「花樣年華」、越南米線「Fuhn」及「靚湯廚房」將會由8月8日起每日損贈免費餐點，以供有需要人士享用。其他顧客亦可以購買額外「待用餐點」，協助餐廳支援低收入家庭及受 COVID-19 疫情影響的人士，亦強調不會對任何要求領餐嘅人士作出詢問，以保護受惠者尊嚴。

以酒店黎講，Eaton HK都真係相當關心社會，例如堂食禁令實施後，酒店亦有開放宴會廳供市民進餐。

資料來源：Eaton HK